Me rritjen e popullsisë dhe zhvillimin e vazhdueshëm të kryeqytetit,kërkesat për shtëpi me qera janë në rritje duke ndikuar në tendencat dhe çmimet e tregut. Edhe pse ndërtimet janë të shumta vitet e fundit në kryeqytet,trendi i rritjes së çmimeve do të vijojë. Sipas ekspertëve të agjencive imobiliare në zonat më të lira çmimet nisin nga 350 €,por sa të përballueshme janë këto çmime për qytetarët?
Telefonata me qiradhënësin:
-“Përshëndetje!”
-“Jam e interesuar për atë njoftimin e apartamentin 1+1, a është ende i lirë?”
-“Po,çfarë jeni ju,dy vajza?”
-“Po.”
-“E kuptoj.”
-“Mund ta di çfarë zone është dhe sa kushton?”
-“Zona sipër ekonomikut,afër Qytet Studenti ndërsa çmimi 350 (mijë lekë)/(35000 l),apartament 1+1 i kompletuar.”
Intervistat me qytetarët:
-“Ju jetoni në shtëpi me qera?”
-“Po në shtëpi me qera.”
-“Me sa persona jetoni?”
-“4 veta jemi”.
-“Sa paguani në muaj?”
-“290(mijë lekë) është qeraja dhe na bie goxha mirë.”
-“Çfarë zone e keni shtëpinë?”
-“Vilat Amerikane,ka goxha shtëpi me qera të lira.”
-“Po kur e zgjodhët shtëpinë kishte më shumë rëndësi çmimi apo vendodhja?”
-“Edhe çmimi,edhe vendodhja,sepse u munduam të gjejmë një shtëpi që të jetë afër Fakultetit,kështu që të dyja.”
-“Po përsa i përket pagesës së faturave,paguani ekstra?”
-“Po faturën e paguajmë ekstra,pagesën ia japim qeraxhiut dhe ai paguan.”
Intervista 2
-“Çfarë zone e keni shtëpinë?”
-“Tek ish-terminali,tek Vilat Gjermane.”
-“Sa lekë paguani në muaj?”
-“130 (mijë lekë)”
-“Sa veta jetoni?”
-“Jetoj vetëm me dajën,dy persona.”
Intervista 3
-“Me sa persona e ndani shtëpinë?”
-“Me dy vajza të tjera,(3 persona gjithsej)”
-“Sa paguani në muaj?”
-“Paguajmë rreth 300 €”
-“Bashkë me ujë,drita,internet?”
-“Jo,jo vetëm qera.”
-“Po bashkë me ujë drita internet sa ju shkon?”
-“Le të themi 350/360 €”
-“Po kur e zgjodhët shtëpinë ishte më i rëndësishëm çmimi apo vendodhja?”
-“Me thënë të drejtën çmimi,sepse është pak larg si vendodhje por na interesoi më shumë çmimi.”
Intervista 4
-“Me sa persona e ndani shtëpinë?”
-“Unë dhe ime bijë.”
-“Sa paguani në muaj?”
-“300 €”
-“Çfarë zone?”
-“Blloku Vasil Shanto”
-“Po kur e zgjodhët shtëpinë kishte më shumë rëndësi çmimi apo vendodhja?”
-“Më përpara vendodhja se çmimet kanë qenë më të ulëta,kam shumë vite në të njëjtin ambient.”
Çmimet e larta të qerave kanë detyruar të rinjtë të kërkojnë miq në platforma të ndryshme duke pranuar edhe të panjohur për të ndarë shpenzimet e shtëpisë.
Mes çmimit dhe vendodhjes qytetarët kanë zgjedhje primare çmimin dhe mund të sakrifikojnë kohën për të arritur angazhimet e tyre të përditshme.
Shënim: Produksioni është realizuar në funksion të lëndës “Shkrim TV dhe web” nga Anisa Plaku, Anja Hysa, Xhesika Sulaj, Andeta Kapa, studente të vitit të I-rë bachelor në Departamentin e Gazetarisë dhe Komunikimit
